Bellerin e kërkon kalimin te klubi spanjoll, nisin bisedimet për shkëputje të kontratës me Arsenalin

Sport

Gazeta Express

09/08/2022 19:05

Hector Bellerin është duke e kërkuar largimin nga Arsenali.

Agjenti i spanjollit është takuar sot me bordin e Arsenalit në Londër, ka bërë të ditur Fabrizio Romano, përcjell Gazeta Express.

Në takim është biseduar për ndërprerjen e kontratës së Bellerinit me klubin londinez, pasi lojtari po e kërkon transferimin e përhershëm te Real Betisi.

Héctor Bellerín’s agent is in London today as he met with Arsenal board, been told meeting took place in the morning. Discussions ongoing to terminate the contract. ?⚪️? #AFC

Bellerín asked to return to Real Betis as soon as possible, it’s his priority. ? pic.twitter.com/5ujSD32jDF

— Fabrizio Romano (@FabrizioRomano) August 9, 2022

27-vjeçari e kaloi sezonin e kaluar si i huazuar në “Benito Villamarin” dhe shfaqi paraqitje të mira. Ai e ndihmoi skuadrën spanjolle të përfundojnë në pozitën e pestë në La Liga, duke siguruar kështu kualifikimin për në Ligën e Evropës.

Mbrojtësi i krahut të djathtë me Real Betisin gjithashtu e fitoi edhe trofeun e Kupës së Mbretit.

Ai bëri 32 paraqitje për andaluzjanët në të gjitha garat sezonin e kaluar dhe regjistroi pesë asistime.

Hector Bellerin e filloi karrierën e tij me Barcelonën, klubin e tij vendas, përpara se të largohej për në Arsenal në moshën 16-vjeçare. Ai e ka kaluar të gjithë karrierën e tij në “Emirates Stadium”, me përjashtim të huazimeve te Real Betisi dhe më herët te Watfordi.

Kontrata e Bellerinit me Arsenalin skadon më 30 qershor 2023. /Gazeta Express/