14 raste pozitive, COVID-19 e ka pushtuar Genoan. Për Express babi i Behramit ka konfirmuar se Valoni nuk është në mesin e tyre.
Genoa ka konfirmuar se 14 pjesëtarë të stafit dhe lojtarë kanë rezultuar pozitiv pas testeve për COVID-19.
Sipas mediave në Itali, prej tyre besohet të jenë 10 futbollistë.
Në mesin e tyre u dyshua edhe për Valon Behramin.
Por, për Gazetën Express, Ragip Behrami, babi i mesfushorit shqiptar, ka konfirmuar se djali i tij “pak çaste më parë ka pranuar rezultatin e testit dhe ka rezultuar negativ”.
Behrami ishte titullar në humbjen e thellë të Genoas kunder Napolit. /GAZETA EXPRESS/