Begaj vizitë në Maqedoninë e Veriut: Bashkëpunimi në projektet me vlerë për qytetarët tanë dhe integrimin në BE

Shqiperi

Gazeta Express

12/07/2025 21:58

Presidenti i Republikës së Shqipërisë, Bajram Begaj vizitoi sot qytetin e Ohrit me ftesë të homologes së tij të Maqedonisë së Veriut, Siljanovska-Davkova.

Në takim u diskutua për bashkëpunimin bilateral, rajonal dhe integrimin europian.

Me anë të një postimi në Facebook, Begaj thekson se zhvilllimi i projekteve të përbashkëta jo vetëm ekonomike dhe infrastrukturore, por edhe kulturore e sociale është i arritshëm dhe i mirëpritur.

Postimi i Begajt:

Në Ohër për një vizitë njëditore, me ftesë të Presidentes Siljanovska-Davkova.

Folëm për bashkëpunimin. bilateral, rajonal dhe integrimin europian.

Shqipëria dhe Maqedonia e Veriut ndajnë vullnetin për të bashkëpunuar në projekte me vlerë për qytetarët tanë.

Faktori shqiptar në Maqedoninë e Veriut eshtë urë lidhësë, i rëndësishëm dhe garanci  për progresin e  vazhdueshëm të marrëdhënieve tona.

Zhvilllimi i projekteve të përbashkëta  jo vetëm ekonomike dhe infrastrukturore, por edhe kulturore e sociale është i arritshëm dhe i mirëpritur.

Me forca të përbashkëta drejt progresit!