Befasia e vitit 2022 Puig në Amerikë, kaq para do të fitojë në LA Galaxy?

Futboll

Gazeta Express

05/08/2022 18:59

Ai u largua nga Barcelona për t’ju bashkuar klubit nga MLS

Pasi dështoi për të treguar pritjet që erdhën pasi ai përfundoi La Masia, Riqui Puig i ndau rrugët me Barcelonës që t’i bashkohet skuadrës së MLS, LA Galaxy.

Mesfushori 22 vjeçar ju bashkua Barcelonës në vitin 2012 në akademi. Pasi kishte ecur mirë në ekipe te të rinjve, ai bëri debutimin e tij të parë me skuadër në Kupën e Mbretit, ku Barcelona mposhti Cultural Leonesa në Camp Nou 4-1 më 2018.

I konsideruar si njëri prej talenteve më të mëdhenj nga produktet e akademisë së Barcelonës viteve të fundit, ai u stërvit me skuadrën e parë dhe disa herë ju dhanë mundësi nga trajnerë të ndryshëm përfshirë Ronald Koeman dhe Xavi Hernandez.

Megjithatë, ai kurrë nuk arriti që të jetë zgjidhje e parë në skuadër, duke mos pasur minuta të luajtur edhe atëherë kur klubi vuante për të bërë transfere të reja apo kishte probleme financiare.

Pavarësisht së nuk luajti shumë, Pug u përpoq që t’i bindte trajnerët e fundit që ai e meritonte një vend në skuadër, por dështoi ta bënte këtë. LA Galaxy trokiti në derën e tij dhe të dy palët arritën një marrëveshje, me Puig që nënshkroi kontratën për tri vite e gjysmë me këtë skuadër.

“Ne jemi të kënaqur ta mirëpresim Riqui në LA Galaxi”, tha trajneri Greg Vanney në një deklaratë.

“Riqui është një lojtar shumë taktik dhe i edukuar mirë me një përvojë të jashtëzakonshme për moshën që ka. Ai do të përshtatet mirë në grupin dhe stilin e lojës tonë”.

Vlera neto e Riqui Puig dhe paga në LA Galaxy

Sipas disa burimeve, përfshirë Wikipedia, Forbes & Business Insider, vlera neto e Puig është afërsisht 1.5 milion dollarë.

Siç raporton El Futbolero, ish mesfushori i Barcelonës fitonte 2.1 milionë euro në vit në Blaugrana. Puig raportohet se do të fitojë 6.5 milionë euro në vit në LA Galaxy, të cilët e kanë bërë atë lojtarin më të paguar në MLS.

“Riqui është një lojtar shumë i talentuar me një profil unik që do t’i sjell skuadrës sonë diçka ndryshe”, tha drejtor teknik i LA Galaxy, Jovan Kirovski. /GazetaExpress/