BE-ja i del në ndihmë Shqipërisë në luftën kundër zjarreve

Lajme

Gazeta Express

22/07/2025 13:35

Bashkimi Evropian ka aktivizuar flotën e tij të specializuar për menaxhimin e emergjencave, për të ndihmuar në shuarjen e zjarreve që kanë përfshirë qarqet e Vlorës dhe Dibrës në Shqipëri.

Sipas një njoftimi zyrtar nga Mbrojtja Civile dhe Ndihma Humanitare e BE-së, në kuadër të këtij operacioni, tre aeroplanë zjarrfikës nga Greqia dhe Italia janë angazhuar në terren dhe po operojnë intensivisht në zonat e prekura.

“Jemi të gatshëm të ofrojmë më shumë mbështetje nëse është e nevojshme”, theksohet në deklaratën e BE-së.