BBC citon mediat ukrainase: SHBA dhe Ukraina i kanë dakorduar detajet rreth marrëveshjes për mineralet

Lajme

Gazeta Express

25/02/2025 21:50

Mediat ukrainase po raportojnë gjithashtu se SHBA dhe Ukraina kanë “dakorduar detajet” e marrëveshjes së mineraleve, ka raportuar BBC, transmeton Gazeta Express.

“Dokumenti do të nënshkruhet nga Ministri i Jashtëm ukrainas Andriy Sybiga dhe Sekretari i Shtetit i SHBA Marco Rubio,” sugjeron faqja ukrainase e lajmeve Ukrainska Pravda.

Në detaje të tjera, faqja, e njohur edhe si EP, raporton se të dy vendet do të krijojnë një “Fond Investimi për Rindërtim”, i cili thotë se do të “llogaritet sipas kontributeve aktuale të vendeve në të”.

Faqja e medias ukrainase shton se SHBA-ja “synon të bëjë një angazhim financiar ndaj Ukrainës”, i cili do të përcaktohet veçmas.

Ai gjithashtu thotë se marrëveshja “nuk përmban garanci të qarta sigurie”, siç është raportuar më parë nga Financial Times.