Bayerni e merr një lajm të mirë para sfidës me Atalantën

Futboll

Gazeta Express

17/03/2026 15:42

Lajme pozitive vijnë nga kampi i Bayern Munichut, ku portieri i ri Jonas Urbig është rikthyer në stërvitje me skuadrën në prag të ndeshjes së kthimit të së tetës së finales së Ligës së Kampionëve ndaj Atalantas.

Megjithatë, pavarësisht shërimit të tij dhe pjesëmarrjes në seancat stërvitore, mbetet ende e paqartë nëse ai do të jetë në dispozicion të plotë për përballjen e rëndësishme europiane.

Stafi teknik po e ndjek nga afër gjendjen e tij fizike dhe do ta marrë një vendim në momentet e fundit, njoftojnë mediat gjermane, përcjell “Gazeta Express”.

Urbig kishte munguar në ndeshjet e fundit për shkak të një problemi fizik, duke ngritur pikëpyetje për praninë e tij në këtë sfidë vendimtare.

Rikthimi në stërvitje është një sinjal pozitiv, por nuk e garanton ende aktivizimin e tij nga minuta e parë.

Çdo vendim për formacionin do të merret me kujdes maksimal, në mënyrë që të shmanget çdo rrezik i panevojshëm për lojtarin.

Bayerni dëshiron ta konfirmojë kualifikimin në çerekfinale pasi e mposhti ekipin italian 6:1 në Bergamo. /Gazeta Express