Bayern Munich sot feston trofenë e 34-të në Bundesligë

Futboll

Gazeta Express

10/05/2025 17:30

Një ditë e mbushur me emocione pret Bayern Munichun, që luan ndeshjen e fundit në shtëpi këtë sezon, pas sigurimit të titullit të 34-të në Bundesliga – një rekord i ri që thellon dominimin historik të klubit.

Kjo do të jetë gjithashtu ndeshja e fundit në Allianz Arena për legjendën Thomas Müller, i cili i jep fund një epoke të artë 25-vjeçare me klubin, ku ka fituar 13 tituj të ligës.

Forma e Bayern në shtëpi ka qenë thuajse perfekte këtë sezon (13 fitore, dy barazime), me të vetmen humbje që vjen në mënyrë ironike ndaj Bochumit, skuadrës së fundit në renditje.

Megjithatë, përballja me Gladbach nuk është pa histori – ata janë skuadra që ka mposhtur më së shumti herë Bayernin në Bundesliga (28).

Fitorja në ndeshjen e parë të sezonit ndaj tyre ishte e treta radhazi ndaj “skuadrës së mallkuar”, një arritje që nuk ndodhte që nga viti 2014.

Borussia Mönchengladbach, në anën tjetër, do të kërkojë të “prishë festën” dhe të shmangë një seri prej katër humbjesh radhazi ndaj Bayernit për herë të parë që nga viti 1967.

Edhe pse shanset për kualifikim në Europë janë minimale, fitorja në dy ndeshjet e fundit mund t’u japë atyre një fund pozitiv sezoni – dhe ndoshta një vend në pjesën e sipërme të tabelës për herë të parë që nga sezoni 2020/21.

Ndeshjet e fundit të Gladbach kanë qenë spektakolare për neutralët – 20 gola në tre ndeshje të fundit, ku të dyja skuadrat kanë shënuar të paktën dy herë. Por shanset që ta fitojnë një “thriller” në Allianz janë të vogla, pasi ata nuk kanë fituar asnjë ndeshje këtë sezon kundër ekipeve që ndodhen në top-5 të renditjes.

Lojtarët për t’u parë:

Harry Kane (Bayern) – Pasi fitoi trofeun e parë në karrierën e tij në moshën 31-vjeçare, tani kërkon të bëhet lojtari i parë në historinë e Bundesligës që shënon 25+ gola në dy sezonet e para dhe fiton titullin e golashënuesit në të dy.

Tim Kleindienst (Gladbach) – Ka kontribuar në tri gola në dy ndeshjet e fundit (1 gol, 2 asiste) dhe shënoi 3 gola ndaj Bayernit sezonin e kaluar.

Statistikë interesante:

Trajneri i Gladbach Gerard Seoane nuk ka fituar kurrë ndaj Bayernit si trajner në 6 ndeshje. /GazetaExpress/

Formacionet zyrtare:

Bayern Munchen vs Borussia Monchengladbach