Bastisje në Shkup, gjenden armë automatike në një banesë ku qëndronin disa shtetas turq

Maqedoni

Gazeta Express

04/06/2025 12:15

Më 03.06.2025 rreth orës 21:50 në Shkup, zyrtarët policorë nga Njësia për tregti të palejuar pranë SPB Shkup, me urdhër të Gjykatës Themelore Penale Shkup, kryen bastisje në një banesë në komunën Qendër ku qëndronin shtetas turq.

Gjatë kontrollit, në një dhomë ndihmëse u gjetën dhe u konfiskuan një pushkë automatike dhe dy karikatorë me municion për pushkën. Edhe për këtë rast, pas dokumentimit të plotë do të ngritet kallëzim përkatës.