Bastisje në qendrat korrektuese dhe të paraburgimit para fundvitit, kjo është arsyeja

Lajme

Gazeta Express

09/12/2022 16:57

Shërbimi Korrektues i Kosovës (SHKK), ka njoftuar të premten se në prag të festave të fund vitit, me qëllim të ruajtjes së rendit dhe sigurisë brenda qendrave korrektuese dhe të paraburgimit gjatë kësaj jave ka realizuar bastisje të dhomave dhe të të gjitha hapësirave të përbashkëta.

Në disa qendra bastisjet janë realizuar në bashkëpunim edhe me policinë e Kosovës.

“Shërbimi Korrektues i Kosovës, njofton opinionin publik se në prag të festave të fundvitit, me qëllim të ruajtjes së rendit dhe sigurisë brenda qendrave korrektuese dhe të paraburgimit gjatë kësaj jave ka realizuar bastisje të dhomave dhe të të gjitha hapësirave të përbashkëta. Në disa qendra bastisjet janë realizuar në bashkëpunim edhe me policinë e Kosovës. Shërbimi Korrektues i Kosovës falënderon të gjithë të burgosurit për bashkëpunimin dhe mirëkuptimin e treguar gjatë bastisjes. Bastisje të tilla do të realizohen në vazhdimësi në të gjitha qendrat korrektuese dhe ato të paraburgimit  per të krijuar një ambient të qetë dhe të sigurt”, thuhet në njoftimin e ShKK-së.