Barça gabon në ‘Camp Nou’, sfida me Bayernin do të jetë për “jetë a vdekje”

Futboll

Gazeta Express

23/11/2021 22:53

Vetëm një pikë në Camp Nou me rivalin direkt për vendin e dytë, Barcelona ka gabuar shumë në Ligën e Kampionëve, duke barazuar 0-0 me Benfican.

Barcelona ka marrë vetëm një pikë në sfidën e pestë të fazës së grupeve në Ligën e Kampionëve, duke barazuar 0-0 me Benfican në Camp Nou, raporton Gazeta Express.

Vendasit tentuan shumë dhe kishte edhe shtylla, por topi s’deshi të hyjë brenda.

Ky barazim mund t’i kushtojë shumë Barcelonës pasi një xhiro para fundit të fazës së grupeve ka shtatë pikë, vetëm dy më shumë se Benfica dhe sfidën e fundit do ta zhvillojë në Allianz Arena kundër Bayern Munich, do të jetë një luftë e vërtetë. /Gazeta Express/