Banorët lodhen nga talljet, ia ndryshojnë fshatit emrin - Gazeta Express

Lajme

Gazeta Express

27/11/2020 14:45

Banorët lodhen nga talljet, ia ndryshojnë fshatit emrin

Lajme

Gazeta Express

27/11/2020 14:45

Tabela lajmëron hyrjen në fshatin e Austrisë, Fucking. Emri i pazakontë, e ka vënë atë në qendër të vëmendjes, por banorët e fshatit janë të lodhur nga talljet e përqeshjet. Ata duan një emër të ri, pasi po vuajnë nga fenomeni i vjedhjes së tabelave rrugore.

Për kryebashkiakun e Fucking, atraksioni komik nuk sjell përfitime për komunitetin. “Nga të gjithë njerëzit që vijnë këtu, 90% e tyre thjesht shkrepin fotografi të tabelave rrugore në të gjithë mënyrat e mundshme. Asnjë nuk qëndron gjatë natës, por janë vetëm turistë tranzit. Nuk ka asnjë avantazh për komunitetin”, tha Franz Meindl, Kryetar i Fucking.

Fshati është pjesë e bashkisë Tarsdorf në veri të Salcburgut, afër kufirit me Gjermaninë. Prej një kohe të gjatë ka qenë objekt humori në mediat anglishtfolëse, të cilat kanë raportuar me nuanca përqeshëse, zemërimin e banorëve për vjedhjen e tabelave rrugore. Zgjidhjen për këtë problem, autoritetet e Fucking e kanë gjetur te shkronja “G”.

“Një banore e fshatit kishte një tabelë pranë shtëpisë që vidhej shpeshherë, por ajo kishte nevojë për atë tabelë. Kështu që ajo e ndryshoi emërtimin duke e germëzuar me dy ‘G’. Që prej këtij ndryshimi, ajo gjeti paqe”.

Që prej zbulimit në internet, fshati austriak ka pasur vëmendje të madhe dhe propozime bashkëpunimi, kryesisht nga sajtet me materiale për të rritur. Por duke nisur nga 1 janari, fshati do të emërtohet Fugging, një iniciativë e aprovuar nga këshilli bashkiak i Tarsdorf.

Banorët e lodhur nga përqeshjet, fshati austriak ndryshon emrin