Banorët e fshatit Kuç i Zi në Korçë në protestë: Vetëm një orë në ditë kemi ujë të pijshëm

Shqiperi

Gazeta Express

13/12/2022 13:08

Banorët e fshatit Kuç i Zi në Korçë janë mbledhur në protestë pasi uji në shtëpitë e tyre shkon vetëm një orë në ditë.

Janë 900 banorë të fshatit, të cilët kanë treguar se vuajnë mungesën e ujit të pijshëm.

Ata thonë se janë taksapagues të rregullt. Të indinjuar ata thonë se Bashkia i ka lënë pas dore.

Sipas tyre, zgjidhja mbetet që menaxhimi i ujit të bëhet sërish nga vetë banorët dhe jo nga ujësjellësi.

Fshati Kuç i Zi ndodhet vetëm 10 km larg qytetit të Korçës, ndërsa mungesa e vëmendjes duket jo vetëm gjatë verës, por edhe në stinën e ftohtë të dimrit.