Ballkani nis verën me transferimin e Zekës dhe Haxhihamzës

Ballkani e ka nisur afatin kalimtar të verës me dy transferime të shtunën, duke e sjellë në skuadër sulmuesin Mevlan Zeka dhe portieri Kenan Haxhihamza.

Pasi e humbi garën e zjarrtë për titull të kampionit të Superligës dhe Kupës së Kosovës, Ballkani ka nisur punën gjatë afatit kalimtar të verës për ta përforcuar skuadrën për sezonin e ardhshëm, raporton Gazeta Express.

Klubi nga Suhareka ka bërë të ditur se i ka transferuar në skuadër sulmuesin Mevlan Zeka dhe portierin Kenan Haxhihamza

“Të dashur tifoz, Mevlan Zeka dhe Kenan Haxhihamza nga sot janë pjesë e FC Ballkanit  Sulmuesi Mevlan Zeka dhe Portieri Kenan Haxhihamza jan ardhja më e re tek FC Ballkan”, thuhet në njoftimin e klubit nga Suhareka.

“Sot nënshkruam kontratën 2 vjeqare  me Zekën dhe për 3 vite me Haxhihamzën për të vazhduar karrierën në klubin tonë.  Mevlan Zeka së fundmi ishte pjesë e KF Feronikelit. Kenan Haxhihamza së fundmi ishte pjesë e SC Gjilanit”.

“Të dyve i dëshirojmë mirëseardhje dhe bashkëpunim të mirëfilltë me klubin tonë. Na priftë e mbara Suharekë”. /Gazeta Express/