Baleti Kombëtar i Kosovës nderohet me çmim nga Senati amerikan - Gazeta Express

Baleti Kombëtar i Kosovës nderohet me çmim nga Senati amerikan

Arte

Gazeta Express

22/06/2021 1:21

Në përkujtim të Ditës Botërore të Diversitetit Kulturor për Dialog dhe Zhvillim, Baleti Kombëtar i Kosovës ka rrëmbyer një çmim të rëndësishëm për arritje në fushën e artit, çmim i cili u nda nga Senati amerikan.

Flamuri amerikan u valëvit mbi ndërtesën e Kongreseve në Washington DC për nder të Kreshnik Musollit, dhe Baletit Kombëtar të Kosovës, me kërkesë të senatorit, Charles Schumer.

“Jemi shumë të lumtur që SHBA po njeh punën, përkushtimin dhe vizionin artistik të Baletit Kombëtar të Kosovës. Shpresojmë që të hapen rrugët e bashkëpunimit, ndërsa sukseset e mëtutjeshme të mos u mungojnë”, thuhet në njoftimin e MKRS-së.