Bajrami: Nëse shkojmë në zgjedhje të reja, fletëvotimi duhet t’i ketë vetëm dy opsione, Kosova apo Albulena Haxhiu

Lajme

Gazeta Express

09/05/2025 10:58

Shefja e Grupit Parlamentar të LDK-së, Hykmete Bajrami, ka thënë se Lëvizja Vetëvendosje e ka reduktuar gjithë situatën politike në emrin e Albulena Haxhiut dhe se duan ta bëjnë kryetare të Kuvendit pa i pasur votat, shkruan Express.

Bajrami ka thënë se po shihet se situata po shkon drejt zgjedhjeve të reja si rezultat i qëndrimit të LVV-së dhe thotë se nëse do të shkohet në zgjedhje, fletëvotimi duhet të ketë vetëm dy alternativa, Kosova apo Albuelna Haxhiu.

“Po shihet që po shkojmë drejt zgjedhjeve, në fletëvotim duhet të jetë i thjeshtë, Kosova apo Albulena Haxhiu. S’ka luftë idesh, konkurrencë programesh, s’ka përpjekje për të zgjidhe problemet nga partia që ka fituar shumicën e votave në Kuvend, por ata kanë një hall si ta vendosin në krye të Kuvendit një person që assesi s’po i merr votat e deputetëve”, ka thënë Bajrami./GazetaExpress/