Babai i tenistit reagon ndaj ambasadorit Cana: Kosova për ne është sikurse Jerusalemi për Izraelin

Gazeta Express

14/01/2020 14:32

Tenisti serb, Novak Gjokoviq, në një video të publikuar në rrjete sociale është dëgjuar teksa këndon këngë nacionaliste serbe në të cilat përmendet edhe Kosova

Një gjë e tillë e ka irrituar ambasadorin e Republikës së Kosovës në Bullgari, Edon Cana, i cili e ka quajtur Gjokoviqin primitiv, nacionalist dhe shovinist.

After Military March Song they continued with Kosovo…!
You can be ATP winner but still deep remain primitive, backward and ordinary Balkan nationalist and chauvinist!
Not accidentally Novak Djokovic has been the least liked and loved Tenis champion in History. https://t.co/SUb1rDBLOK

— Ambassador Edon Cana (@EdonCana) January 12, 2020

E ndaj deklaratave të ambasadorit Cana ka reaguar Srdjan Gjokoviq, babai i tenistit serb, duke thënë se djali i tij është nacionalist dhe se “Kosova është Serbi”, shkruan Index.hr, transmeton Gazeta Express.

“Novaku është një nacionalist, sigurisht, sikur që jam unë dhe shumica e njerëzve në këtë vend. Nuk është gjë e keqe. Ne i duam njerëzit tonë dhe vendin tonë, por ne nuk i urrejmë të tjerët dhe vendet tjera. Vendi ynë, dhe ju e dini, është tokë e shenjtë, sikur që është për izraelitët Jerusalemi. Tutje, Ne do të jemi gjithmonë me Kosovën. Kosova do të jetë gjithmonë zemra e Serbisë. Siç është tani, do të jetë gjithmonë”, ka thënë Srdjan Gjokoviq në një intervistë për televizionin serb Tv Prva. /Express/