Autobusi dhe dy vetura aksidentohen në rrugën Prishtinë-Pejë, tre të lënduar

Lajme

Gazeta Express

24/02/2026 21:27

Zëdhënësi i Policisë së Kosovës, Daut Hoxha, konfirmoi për Gazetën Express një aksident trafiku të shkaktuar në rrugën Prishtinë-Pejë, konkretisht në Bresje, ku janë përfshirë një autobus dhe dy vetura.

Hoxha tha se si pasojë e aksidentit, tre persona kanë pësuar lëndime trupore.

“Njësitë relevante policore kanë dalë në vendin e ngjarjes dhe janë duke ndërmarrë veprimet e nevojshme hetimore për sqarimin e rrethanave të aksidentit”, tha ai.

Tutje, Hoxha rikujtoi; “Policia apelon tek të gjithë pjesëmarrësit në trafik që të respektojnë rregullat e komunikacionit dhe të shtojnë kujdesin gjatë ngasjes”.