Austria mohon se do ofrojë garancë për lirim me kusht të Thaçit dhe të tjerëve - Gazeta Express

Lajme

Gazeta Express

04/05/2021 18:40

Austria mohon se do ofrojë garancë për lirim me kusht të Thaçit dhe të tjerëve

Lajme

Gazeta Express

04/05/2021 18:40

Dy ditë më parë, ish-komandanti i betejës së Koshares, Hisen Berisha, deklaroi se Austria dhe disa shtete tjera kanë shprehur vullnet për të ofruar garancë tek Gjykata Speciale për mbrojtjen e krerëve të UÇK-së në liri.

Televizioni T7 ka dërguar pyetje tek qeveria Austriake për të konfirmuar një gjë të tillë, raporton Gazeta Express.

Megjithatë në një përgjigje për televizionin, ministria e punëve te jashtme të Austrisë ka mohuar se ka ofruar garancë tek Specialja për mbrojtjen në liri për Thaçin e të tjerët.

“Përgjigja në pyetjen tuaj, e siguruar nga Ministria e Punëve të Jashtme të Austrisë është: Jo”, thuhet në përgjigjen e MPJ’së austriake, në pyetjen nëse do ofrojë garancë për lirim me kusht të të arrestuarve në Hagë.

Ndërkohë sipas Hisen Berishes, edhe Sllovenia, Kroacia e Izraeli kanë ofruar këtë garancë por këto shtete nuk kanë kthyer përgjigje rreth kësaj çështjeje.

Deri më tani, asnjë nga këto shtetet e apostrofuara nuk kanë dhënë ndonjë qëndrim zyrtar karshi çështjes së garancës ndaj ish-krerëve të UÇK’së. /Gazeta Express/