Atentati ndaj Preng Gjinit, dyshimet: Autori ka qenë pranë që të shpërthente tritolin me detonator - Gazeta Express

Shqiperi

Gazeta Express

21/09/2020 17:37

Atentati ndaj Preng Gjinit, dyshimet: Autori ka qenë pranë që të shpërthente tritolin me detonator

Shqiperi

Gazeta Express

21/09/2020 17:37

Hetuesit po vëzhgojnë me imtësi të gjitha kamerat e sigurisë pranë zonës ku ndodhi atentati me tritol ndaj Preng Gjinit, pasi mendojnë se personi që shpërtheu eksplozivin me detonator, ka qenë pranë ngjarjes.

Kjo për arsyen se hetuesit mendojnë se lloji i detonatorit të përdorur për bombën kërkon një afërsi me eksplozivin nga një distancë prej 200 deri në 400 metra.

Hetuesit gjithashtu kanë dyshime se personi që kreu atentatin mund të ketë qenë gjithashtu me makinë dhe ka ndjekur Gjinin, deri në momentin kur ky i fundit hyri në kthesë për të kaluar në urën pranë zonës së ish nisharakut në Tiranë.

Kujtojmë se 6 ditë më parë Preng Gjini u hodh në erë me tritol. Fatmirësisht 50 vjeçari arriti t’i shpëtojë vdekjes edhe pse me dëmtime të konsiderueshme në pjesë të ndryshme të trupit.

Pista kryesore e hetimeve është hakmarrja, për shkak të konflikteve mes dy fiseve në Mirditë. Preng Gjini ka mohuar se ka konflikt me njeri, në dëshminë që ka dhënë para policisë.