Asani u përshëndet me Korenë e Jugut me gol e me asistim

Futboll

Gazeta Express

24/06/2025 11:11

Në kampionat nuk e ka arritur atë shkëlqim që e pati në Champions.

Gjithsesi, Jasir Asani është gjithmonë i rëndësishëm dhe u tregua vendimtar për ekipin e tij, Gwangju FC.

Ai shënoi një gol dhe shërbeu një asist në barazimin 2-2 në shtëpi ndaj rivalit Daejeon Hana, në një përballje shumë të fortë të Ligës së Koresë së Jugut.

Jasir Asani delivers with a goal and an assist tonight.pic.twitter.com/Glopa7A69j https://t.co/RV07yi8he4

— Willy (@begalracer) June 22, 2025

Lojtari i krahut të kombëtares shqiptare e kaloi në epërsi 1-0 ekipin e tij në minutën e 55-të, duke e përfunduar një aksion kolektiv të shokëve të tij.

Ky ishte goli i tij i pestë këtë sezon të kampionatit, ndërsa kanë kaluar 20 javë, e ai ka luajtur në 17 ndeshje.

Aspak keq për pozicionin që ka si futbollist që luan në krah, ndonëse niveli i tij ishte i jashtëzakonshëm në Championsin e Azisë, me 9 gola në 10 ndeshje.

Pasi miqtë barazuan rezultatin, Asani ndihmoi sërish Gwangju FC të kalonte përpara, pasi në në 71’ shërbeu asistin për rrjetën e shënuar nga In-Hjeok Park.

Ky ishte pasimi i tij i parë për gol këtë kampionat, përcjell abcnews.

Në total, këtë edicion, Asani ka 14 gola e dy asistime në 27 ndeshje të luajtura, një paraqitje vërtet mbresëlënëse.

Ndërkaq, e ardhmja e tij mund të mos jetë në Korenë e Jugut, sepse nga Japonia e kërkon Yokohama.