As Haaland e as Lewa, Muriqi e mban një primat në Top-5 ligat evropiane

Futboll

Gazeta Express

16/02/2026 9:22

Vedat Muriqi po i mahnit të gjithë në këtë sezon.

Sulmuesi kosovar po kalon nëpër një formë të jashtëzakonshme, ndërsa mbrëmë e shënoi një gol spektakolar me kokë në humbjen e Mallorcas 1:2 nga Real Betisi.

E ky gola ishte i veçantë të paktën për statistika për “Piratin”.

Goli i mbrëmshëm në ishull e bëri përfaqësuesin kosovar golashënuesin më të mirë me kokë në pesë ligat kryesore të Evropës në këtë edicion.

As Erling Haaland e as Robert Lewandowski, Vedat Muriqi arriti në kuotën e gjashtë golave të shënuar me kokë brenda këtij sezoni, duke u bërë lojtari i vetëm që e arrin këtë në Top 5 ligat evropiane, njofton “OptaJose”, që merret me statistika të golave dhe të ndeshjeve, përcjell “Gazeta Express”.

6 – Vedat Muriqi has scored more headed goals than any other player in Europe's top five leagues this season, becoming the first Mallorca player to score six headed goals in a single campaign since Pierre Webó in 2010/11 (also six). Pirate. pic.twitter.com/fSSDL3V9IR

— OptaJose (@OptaJose) February 15, 2026

Gjithashtu, 32-vjeçari u bë lojtari i parë i Mallorcas që i shënon gjashtë gola me kokë në një sezon që prej Pierre Webo në edicionin 2010/11, i cili i realizonte po ashtu gjashtë gola me kokë.

Muriqi arriti në kuotën e 50 golave në La Liga me Mallorcan duke iu afruar në vetëm katër gola legjendarit Samuel Eto’o (54).

Ndër të tjera, ish-futbollisti i Rizesporit, Fenerbahçes e Lazios i ka shënuar 16 gola në këtë sezon në kampionatin spanjoll duke e parë veten vetëm prapa liderit, Kylian Mbappe.

Muriqi njëherësh e theu rekordin personal prej 15 golash që e kishte arritur brenda një sezoni. /Gazeta Express