Arsenali i ofron kontratë të re Xhakës - Gazeta Express

Arsenali i ofron kontratë të re Xhakës

Futboll

Gazeta Express

30/07/2021 17:44

Arsenali para pak minutave zyrtarizoi transferimin e qendërmbrojtësit Ben White nga Brighton për 58 milionë euro.

Ndërsa, fokusi i “Topçinjve” tani do të jetë ta bindin Granit Xhakën të qëndrojë në Londër, shkruan Gazeta Express.

Lexo Edhe:

Sipas The Athletic, Arsenali i ka ofruar kontratë të re futbollistit me prejardhje kosovare, ndërsa bordi ka besim se do të arrijnë ta bindin.

Xhaka ka gjetur dakordin me Romën për kushtet personale, megjithatë nuk është arritur një marrëveshje mes klubeve.

Trajneri i Romës, Jose Mourinho e dëshiron me çdo kusht Xhakën në kryeqytetin italian dhe pas paraqitjeve në Euro 2020, dëshira e tij për ta pasur në skuadër është rritur edhe më shumë. /Gazeta Express/