Arsenali e mposht Barcelonën në finalen e Ligës së Kampionëve

Futboll

Gazeta Express

24/05/2025 20:34

Në një mbrëmje historike në Estádio José Alvalade në Lisbonë, Arsenali mposhti Barcelonën me rezultat 1-0, duke fituar titullin e dytë në Ligën e Kampioneve për femra dhe të parin pas 18 vitesh.

Goli vendimtar u shënua në minutën e 74-të nga sulmuesja suedeze Stina Blackstenius, e cila përfitoi nga një pasim i zgjuar i Beth Mead dhe goditi saktë në cepin e portës.

Barcelona, kampione në fuqi dhe pretendente për titullin e tretë radhazi, nuk arriti të përballojë presionin e Arsenalit dhe nuk gjeti rrugën drejt golit, pavarësisht disa rasteve të krijuara.

Kjo fitore e vendos Arsenalit në një grup elitar të klubeve me dy tituj evropianë, së bashku me Wolfsburg, Umeå dhe Turbine Potsdam, ndërsa Lyon mbetet rekordi me tetë tituj.

Nën drejtimin e trajneres Renée Slegers, e cila mori drejtimin pas dorëheqjes së Jonas Eidevall, Arsenali tregoi një paraqitje të disiplinuar dhe të organizuar, duke neutralizuar sulmet e Barcelonës dhe duke shfrytëzuar me efikasitet rastet e krijuara .