Arrihet marrëveshja, sheikët e Man Cityt blejnë 80% të aksioneve të klubit të njohur italian

Sport

Gazeta Express

01/07/2022 23:22

Pronarët e Manchester Cityt raportohet se kanë rënë dakord për blerjen e klubit të Palermos.

Sipas “Giornale di Sicilia”, presidenti i Palermos, Dario Mirri, ka zhvilluar bisedimet me drejtuesit e kompanisë “City Football Group” të premten, transmeton Gazeta Express.

Sipas mediumit italian, në këtë takim është arritur marrëveshja që sheikët të blejnë 80% të aksioneve për rreth 13 milionë euro.

Mirri thuhet se do të vazhdojë në pozitën e presidentit, por tani me vetëm 20% të aksioneve.

Kujtojmë se Palermo kishte bankrotuar në vitin 2019, për t’u rikthyer pastaj sërish në atë vit nga Serie D.

Sicilianët pastaj ia dolën të inkuadrohen në Serie C, teksa nga sezoni i ri 2021/22 do të jenë pjesë e Serie B – kategoria e dytë e futbollit në Itali. /Gazeta Express/