Arrihet marrëveshja, pas një muaji patenta shqiptare do të njihet edhe në Arabinë Saudite

Shqiperi

Gazeta Express

15/08/2022 9:25

Shqipëria ka arritur një marrëveshje me Arabinë Saudite për njohjen reciproke të lejeve të drejtimit.

Këtë e ka njoftuar Ministria për Evropën dhe Punët e Jashtme

Duke nisur që pas një muaji shoferët shqiptarë do munden të lëvizin me automjete edhe në Arabinë Saudite.

Njoftimi i Plotë:

Përmbyllen procedurat e marrëveshjes për njohjen reciproke të lejeve të drejtimit mes Shqipërisë dhe Mbretërisë së Arabisë Saudite.
Pas përfundimit të procedurave të brendshme ligjore fillimisht nga pala jonë, Ministria e Punëve të Jashtme e Mbretërisë së Arabisë Saudite ka njoftuar përfundimin e procedurave të brendshme ligjore edhe nga pala e tyre.
Marrëveshja, e cila hyn në fuqi 30 ditë pas përfundimit të procedurave, do të lehtësojë lëvizjen reciproke të qytetarëve, vizitorëve dhe turistëve të dy vendeve tona, përmes përdorimit të patentave, si dhe konvertimin e tyre.