Arrestohet 30-vjeçari në Viti pasi gjuajti me armë zjarri, i konfiskohet AK 47 - Gazeta Express
string(77) "arrestohet-30-vjecari-ne-viti-pasi-gjuajti-me-arme-zjarri-i-konfiskohet-ak-47"

Arrestohet 30-vjeçari në Viti pasi gjuajti me armë zjarri, i konfiskohet AK 47

Lajme

Gazeta Express

22/02/2024 9:18

Një 30-vjeçar është arrestuar pasi dyshohet se ka shtënë më armë zjarri në fshatin Budrikë e Epërme e Vitisë.

Lajmin e ka bërë të ditur Policia e Kosovës, përmes një komunikate për media të enjten.

Lexo Edhe:

Sipas njoftimit, për rastin policia është njoftuar të mërkurën rreth orës 18:30.

“Njësitet policore relevante i janë përgjigjur rastit duke arritur që të identifikojnë lokacionin dhe të dyshuarin M.S. (viti i lindjes 1994, mashkull kosovar shqiptar) i cili është arrestuar dhe sjellë në Stacionin Policor në Viti”, ka njoftuar policia.

I njëjti dyshohet se me armë ka shti në ajër. Me këtë rast si provë materiale janë konfiskuar një armë e llojit AK 47, një karikator dhe 23 gëzhoja të kalibrit 7.62 mm, të cilat do të përdoren dëshmi për gjykatën.

Është njoftuar Prokurori i shtetit i cili rastin e ka cilësuar ‘Mbajtja në pronësi, kontroll ose posedim të paautorizuar të armëve’ dhe ‘Shkaktim i rrezikut të përgjithshëm’.

I dyshuari me urdhër të Prokurorit të shtetit është ndalur në mbajtje për 48 orë.