Arrestohen dy persona për bixhoz të paligjshëm në Pejë

Gazeta Express

13/08/2020 10:44

Janë arrestuar dy persona në Pejë nën dyshimin që merreshin me bixhoz.

Policia e Kosovës ka njoftuar se në lokalin ku të dy këta persona po zhvillonin bixhozin, kanë gjetur dhe konfiskuar 677 çipa për dedikim të lojës së bixhozit, 4 palë letra bixhozi-poker dhe një çelës të lokalit.

Arrestimi ndodhi mbrëmë në rrugën “Bill Clinton” në Pejë.

“Janë arrestuar dy të dyshuar meshkuj kosovarë nën dyshimin se të njëjtit kanë kryer veprën e cekur duke zhvilluar veprimtari të paligjshme-bixhozi dhe po ashtu nuk ka kanë respektuar vendimet e lëshuara nga Qeveria. Njësitet policore dhe inspektorët komunal në vendin e ngjarjes kanë gjetur dhe konfiskuar: një çelës të lokalit, 677-çipa për dedikim të lojës së bixhozit, 4-palë letra bixhozi-pokeri. Të dyshuarit pas intervistimit, në konsultim me prokurorin janë liruar në procedurë të rregullt”, njofton Policia e Kosovës në raportin 24 orësh.