Arrestohen aktivistët pro-palestinezë në Britani, sulmuan bazën ushtarake dhe spërkatën me bojë aeroplanët

Lajme

Gazeta Express

27/06/2025 12:48

Policia kundër terrorizmit ka arrestuar katër persona pasi avionë ushtarakë u spërkatën me bojë gjatë një bastisjeje në RAF Brize Norton, të cilën e mori përsipër një grup pro-palestinez, raporton BBC.

Pamjet e publikuara nga Palestina Action të premten e kaluar tregojnë dy persona brenda bazës ushtarake të Oxfordshire gjatë natës, me një person që hipën në një skuter drejt një Airbus Voyager dhe spërkati bojë në motorin e tij reaktiv.

Policia kundër terrorizmit e Anglisë Juglindore ka arrestuar një grua 29-vjeçare pa adresë të caktuar dhe dy burra, të moshës 36 dhe 24 vjeç, të dy nga Londra, me dyshimin për aktivitet terrorist.

Pro-Palestinian activists have broken into RAF Brize Norton undetected and sprayed two military planes with red paint.

Footage posted online by Palestine Action on Friday morning shows two people inside the Oxfordshire airbase, with one riding on a scooter up to the Airbus… pic.twitter.com/c0lrhhctVL

— Breaking Aviation News & Videos (@aviationbrk) June 20, 2025

Një grua 41-vjeçare, gjithashtu pa adresë të caktuar, është arrestuar gjithashtu me dyshimin për ndihmë ndaj një shkelësi.

Burrat, të moshës 24, 29 dhe 36 vjeç, dyshohen për “kryerje, përgatitje ose nxitje të akteve terroriste, në kundërshtim me nenin 41 të Aktit të Terrorizmit të vitit 2000”, tha policia.

Arrestimet u kryen në Newbury, Berkshire, dhe të gjithë të dyshuarit janë aktualisht në paraburgim.