Ardon Jashari te Milani, java tjetër vendimtare

Futboll

Gazeta Express

06/07/2025 13:43

Në javët e fundit, Ardon Jashari ka qëndruar i vendosur në qëndrimin e tij, duke e informuar Club Brugge për dëshirën që të veshë fanellën e Milanit duke nisur nga sezoni i ardhshëm.

Megjithatë, ende ekziston një diferencë e vogël mes palëve, pasi Milani beson se ka vlerësuar drejt lojtarin me një ofertë që lëviz mes 30 dhe 35 milionë euro.

Klubi belg vazhdon të kërkojë një shumë fikse prej 35 milionë euro plus bonuse, por në realitet, duke e lënë Jasharin jashtë aktiviteteve të ekipit dhe në Belgjikë, ata tashmë kanë bërë një hap prapa.

Tani Milani është në pritje të një përgjigjeje përfundimtare, veçanërisht pasi nuk do të bëjë asnjë ofertë tjetër shtesë. O e pranojnë, o e humbin – dhe në ditët e para të javës së ardhshme, marrëveshja mund të mbyllet përfundimisht.