Arbnora Salihu, Kurtit: Të rinjtë nuk mashtrohen me 100 euro – populizmi yt, i neveritshëm

Lajme

Gazeta Express

06/11/2025 21:12

Kryetarja e Rinisë Demokratike të Kosovës, njëherit deputetja e PDK-së, Arbnora Salihu ka thënë se ndarja e 100 eurove për studentët nga kryeministri në detyrë, Albin Kurti, është mashtrim elektoral.

Salihu, në një postim në Facebook, është shprehur se të rinjtë janë lodhur nga lëmosha dhe fjalët boshe të pushtetit aktual.

“Ne nuk kërkojmë ndihma të përkohshme, por zgjidhje të qëndrueshme. Duam diçka konkrete dhe të prekshme. Albin, të rinjtë nuk mashtrohen me 100 euro në prag të zgjedhjeve. Ky është mashtrim elektoral dhe fyerje ndaj rinisë. Ti e ke gabim nëse mendon se të rinjtë janë analfabetë, apo se mund t’i blesh me ndihma të përkohshme. Ke frikë, sepse e ndjen që po e humb pushtetin. Populizmi yt është i neveritshëm. Ne, të rinjtë, i rezistojmë populizmave”, ka shkruar ajo.