Arben Gashi: Unë flas me Vjosa Osmanin, e kam shoqe

Lajme

Gazeta Express

13/01/2021 22:13

Ish-shefi i Grupit Parlamentar të LDK-së, Arben Gashi, ka folur për raportet e tij me Vjosa Osmanin pasi kjo e fundit u shkarkua nga pozita e nënkryetares së LDK-së.

Ai thotë se rrugët e Osmanit me LDK-në tashmë janë ndarë por thotë se ka raporte shoqërore me të.

“Kemi diskutuar disa herë. Kemi raporte shoqërore. Unë flas me Vjosa Osmanin e ekipin e saj. Kam shokë aty. Ka pasur në vazhdimësi një pakënaqësi në lidhje me zhvillimet. Jam mundu me afru edhe unë edhe Kujtim Shala, por në fund rrugët u ndanë. Mendoj se Vjosa ka pasur ende hapësirë me vepru në LDK dhe mendoj se nuk do të ketë askund ma mirë se në LDK”, ths Arben Gashi.

“Kryesia nuk e ka përjashtuar nga partia, por vetëm e ka përjashtuar nga nënkryetarja. Tash kemi mbetur të dytë anëtarë të Këshillit të Përgjithshëm të LDK-së”, thotë ai.

Gashi thotë se nuk e di pse ka ndodhur kjo ndarje në LDK.

“Nuk e di pse ndodhi kjo. Edhe vet unë kam menduar ndryshe shpesh herë. Unë nuk jam rreshtuar mbrapa Isa Mustafës, por mbrapa LDK-së. Ndoshta rrugë tona bashkohen përsëri, nuk i dihet”, tha Gashi.