Araújo pas golit: Mbështetja e skuadrës më dha forcë për t’u rikthyer

Sport

Gazeta Express

03/02/2026 23:37

Mbrojtësi i Barcelonës, Ronald Araújo, ka shprehur emocionet e tij pas golit të shënuar dhe fitores së rëndësishme të skuadrës, duke theksuar mbështetjen e madhe që ka marrë nga bashkëlojtarët gjatë periudhës së rikuperimit.

“Kur shënova golin, të gjithë bashkëlojtarët më përqafuan, më mbështetën dhe më thanë se e meritoja. Dua t’i falënderoj për ndihmën që më dhanë për t’u rikthyer”, u shpreh Araújo.

Mbrojtësi uruguaian u shfaq i lumtur me paraqitjen dhe rezultatin, duke falënderuar gjithashtu klubin dhe stafin teknik për besimin e treguar.

“Jam shumë i lumtur me fitoren dhe me golin. Dua të falënderoj Zotin, bashkëlojtarët, trajnerin, klubin dhe të gjithë ata që kanë besuar tek unë”, shtoi ai.

Araújo theksoi se rikthimi është një proces që kërkon kohë dhe durim, por ndihet shumë mirë me hapat që po hedh.

“Rikthimi është një proces hap pas hapi dhe sot bëra një hap të fortë përpara. Ndihem shumë mirë dhe shumë i lumtur”, përfundoi mbrojtësi i Barcelonës. /GazetaExpress