Apple paralajmëron konferencë më 15 shtator – nuk pritet të prezantohet iPhone 12

Gazeta Express

08/09/2020 19:45

Apple ka zbuluar zyrtarisht se do të mbajë një konferencë speciale këtë shtator, teksa ka ftuar gazetarët dhe publikun e gjerë që ta ndjekin atë ‘online’, kudo që ndodhen, më 15 shtator, nga ora 19:00 (sipas kohës sonë).

Në këtë ngjarje, Apple pritet të zbulojë pajisje krejtësisht të reja, përfshirë një iPad Air të ri dhe modele të reja të Apple Watch.

Përderisa spekulohej se konferenca do të fokusohej mbi iPhone 12, përveç modeleve të reja të Apple Watch dhe iPad, Bloomberg raporton se ngjarja e 15 shtatorit do të zbulojë vetëm detaje rreth iPad dhe Apple Watch të rinj.

iPhone 12 raportohet se do të prezantohet disa javë më vonë – pra në tetorin e sivjetmë.

Gazeta Express do t’ju mbajë të informuar për çdo risi.