Aplikacioni më i ri i Facebook-ut, merr 5 milionë shkarkime në 1 orë

Gazeta Express

20/04/2020 21:55

Aplikacioni i Facebook dedikuar për Gaming është lansuar në Android përpara debutimit të planifikuar që ka qenë muaji qershor.

Gjiganti i medias sociale tërhoqi debutimin e aplikacionit me dy muaj për shkak të pandemisë globale të koronavirusit që izoloi njerëzit nëpër shtëpia.

Angazhimi social është në fokus të aplikacionit i cili së shpejti do të ketë dhe një version për iOS. Twitch dhe YouTube janë konkurrentët më të mëdhenj të Facebook Gaming.

Aplikacioni ka një opsion Go Live për transmetimet e video-lojërave. Është ky opsioni tek i cili vihet theksi nga aplikacioni i cili ka edhe një tab të dytë për zbulimin e lojërave dhe aktiviteteve të miqve me lojërat.

Tabi i fundit ka një platformë bisede. Deri në këto momenti aplikacioni ka marrë mëse 5 milionë shkarkime në Play Store.

Ai vjen pas një viti e gjysmë nga testimi në Amerikën Latine dhe Azinë Juglindore. Rrjeti social synon të monetizojë aplikacionin duke mbajtur komisione për dhurimet që donatorët u bëjnë lojtarëve.