AP: Edhe disa kosovarë në mesin e personave të evakuuar nga Izraeli

Lajme

Gazeta Express

19/06/2025 19:51

Vendet po evakuojnë shtetasit e tyre nga Izraeli dhe Irani nga ajri, toka dhe deti, ndërsa konflikti shpërthen midis rivalëve të përbetuar.

Ditë të tëra sulmesh dhe hakmarrjesh nga dy armiqtë kanë bllokuar hapësirën ajrore në të gjithë Lindjen e Mesme, duke ndërprerë pothuajse tërësisht fluturimet komerciale dhe duke ua pamundësuar njerëzve të hyjnë ose të dalin lehtësisht nga rajoni, raporton AP.

Në raportim thuhet se disa qeveri po përdorin kufijtë tokësorë për të nxjerrë shtetasit e tyre nga rruga drejt vendeve ku aeroportet mbeten të hapura.

Në mesin e të evakuuarve thuhet se ka edhe shtetas të Kosovës.

“Një grup prej 89 bullgarësh u evakuua nga Izraeli me aeroplan në Sofje, së bashku me 59 shtetas nga Sllovenia, SHBA-ja, Belgjika, Shqipëria, Kosova dhe Rumania”.