Anulohet koncerti në Deçan pas aksidentit tragjik në Kroaci

Rozë

Gazeta Express

25/07/2021 18:16

Në komunën e Deçanit sot ishte paraparë të mbahej një koncert.

Por që për shkak të aksidentit tragjik në Kroaci, ai është anuluar.

Kryetari i komunës së Deçanit, Bashkim Ramosaj përmes një njoftimi në Facebook ka treguar që ky koncert është anuluar për shkak të aksidentit tragjik në Kroaci, si pasojë e të cilit vdiqën 10 persona.

Postimi i tij:

‘Të dashur qytetarë të komunës së Deçanit,

bashkëndjejmë dhimbjen me të gjithë ata që humbën më të dashurit e tyre dhe të gjithë ata që u lënduan në aksidentin tragjik të ndodhur sot në Kroaci, me bashkatdhetarët nga Kosova.

Për këtë arsye, komuna e Deçanit merr vendim që koncerti i paraparë të mbahej sonte, të anulohet!

Ju faleminderit për mirëkuptim!