Antonio Marku e përforcon Ferizajn

Sport

Gazeta Express

30/06/2025 17:28

FC Ferizaj ka zyrtarizuar përforcimin më të ri në repartin defensiv, duke arritur marrëveshje me qendërmbrojtësin e fuqishëm, Antonio Marku.

Në njoftimin e publikuar në rrjetet sociale, klubi njofton se Marku së fundmi ishte pjesë e Drenicës, ndërsa në të kaluarën ka mbrojtur ngjyrat e ekipeve si KF Teuta, KF Vllaznia e Shkodrës dhe FC Suhareka.

“Marku vjen për të forcuar prapavijën tonë dhe për të dhënë maksimumin në çdo ndeshje,” thuhet në njoftim.

Ferizaj i ka uruar mirëseardhje qendërmbrojtësit shqiptar, duke shpresuar që bashkë të shkruajnë histori të reja suksesi në sezonin e ardhshëm.