Ansambli “Shota” fiton çmim në Karnavalin e Kulturave 2024 në Berlin - Gazeta Express
string(66) "ansambli-shota-fiton-cmim-ne-karnavalin-e-kulturave-2024-ne-berlin"

Ansambli “Shota” fiton çmim në Karnavalin e Kulturave 2024 në Berlin

Lajme

Gazeta Express

22/05/2024 12:58

Ansambli i këngëve dhe valleve burimore të shqiptarëve “Shota” për vite me radhë ruan vlera kulturore e kombëtare, si treguese e atdhedashurisë, transmeton albinfo.

Së fundmi, Ambasada e Republikës së Kosovës në Berlin shprehu kënaqësinë që performanca e ansamblit kombëtar të këngëve dhe valleve “Shota” gjatë Karnavalit të Kulturave 2024 në Berlin është vlerësuar me çmimin e nderit në kategorinë “Valle dhe Muzikë“ nga juria e karnevalit.

Lexo Edhe:

Pjesëmarrja e ansamblit “Shota” u organizua nga Organizata e Akademikëve dhe Studentëve Shqiptarë në Berlin – OASA dhe u mundësua nga mbështetja financiare e Ministrisë së Kulturës, Rinisë dhe Sportit të Republikës së Kosovës.

Në manifestimin që u mbajt ditë më parë në Berlin, AKKV “Shota” e Kosovës dallohej për performancat e saj energjike dhe tradicionale, të cilat u pritën shumë mirë nga audienca. Pjesëmarrësit dhe organizatorët vlerësuan angazhimin dhe talentin e grupit, duke e konsideruar atë si një pasuri për festivalin që përfaqëson një mozaik kulturash dhe traditash nga e gjithë bota.