Andi Belegu: Kultura është ajo që na mban gjallë si qytet

Zgjedhjet

Gazeta Express

06/10/2025 10:34

“Kultura është ajo që na mban gjallë si qytet. Ajo që na lidh me kujtesën, me rrënjët dhe me njëri-tjetrin. Por sot, ajo është më e varfër se kurrë, pa teatër, pa hapësira për artistë, pa vend ku arti të flasë lirshëm. Ne do ta ndryshojmë këtë!” – ka deklaruar kandidati për Asamblenë e Kuvendit Komunal të Prishtinës nga radhët e Partisë Demokratike të Kosovës, Andi Belegu.

Në programin e tij për zhvillimin kulturor të kryeqytetit, Belegu paralajmëron projekte konkrete që synojnë ta kthejnë kulturën në zemër të Prishtinës:

Objekti i Gërmisë do të shndërrohet në Sallë Koncertesh dhe Galeri të Qytetit, një hapësirë e hapur për artistë, muzikantë dhe publikun.

Teatri i Prishtinës do të ndërtohet si shtëpia që i mungon kryeqytetit, një investim i vonuar për artin skenik.

Qendra e re Kulturore për Fëmijë do të krijojë mundësi për brezat e rinj të mësojnë, krijojnë dhe ëndërrojnë në kushte dinjitoze.

Do të krijohet Rrjeti i Qendrave të Kulturës në çdo lagje e fshat, që arti të mos mbetet privilegj i pakicës, por të jetë pjesë e përditshmërisë.

Parashihet financim i dinjitetshëm për artistët e rinj dhe organizatat lokale, për të mos lejuar që talenti të shuhet nga mungesa e mundësive.

Përmes Karvanit Kulturor të Qytetit, arti do të arrijë në çdo lagje e fshat të Prishtinës.

Trashëgimia kulturore do të mbrohet dhe restaurohet, që kujtesa të mos mbetet në rrënoja.

Do të krijohet Harta Kulturore dhe e Trashëgimisë së Qytetit, për t’i njohur dhe promovuar historinë e bukuritë e Prishtinës.

Dhe, për herë të parë, një Platformë Dixhitale për Kulturën dhe Trashëgiminë do ta bëjë artin e Prishtinës të dukshëm në çdo skenë, kudo.

“Kultura është forca që i jep shpirt Prishtinës. Koha është që ajo të kthehet në zemër të qytetit tonë. Koha është për Prishtinën!”, përmbyll Belegu.

#andibelegu50

#kohapërprishtinën

#pdk191

#uranismaili