Ambasadroi i BE-së i dha dje pak leksion RTK-së: S’funksionojmë ashtu, ne mbledhim të dhëna, informohemi, pastaj reagojmë

Lajme

Gazeta Express

05/11/2025 7:08

Ambasadori i Bashkimit Europian në Kosovë, Orav, i cili së bashku me Kurtin dolën dje në konferencë për media, për të folur për raportin e progresit për Kosovën, u përball me pyetjen e gazetarës së RTK-së, se përse BE-ja s’po reagon për raportimet se një qytetar serb i Kosovës u rrëmbye nga xhandarmëria serbe.

Orav, fillimisht i tha RTK-së, se e di që përgjigja e tij s’do ju pëlqej… por…

“Si funksionojmë ne? Ne nuk reagojmë vetëm ashtu… ne funksionojmë ndryshe. Ne njëherë mbledhim të dhëna. Informohemi. Sigurohemi se e dijmë të vërtetën, se kush është përgjegjës, si ndodhi, ku ndodhi etj. Duhet të presim, jo ashtu…” – tha ai.