Ambasada italiane në Tiranë njofton qytetarët e saj që jetojnë në Shqipëri se që nga java e kaluar janë duke u kryer fluturime të posaçme për rikthimin e tyre në Itali. Ambasada vë në dukje se për të kontaktuar me qëllim largimin e shtetasve drejt Italisë, ka vënë në dispozicion një adresë të posaçme e-maili.
DEKLARATA E PLOTË:
FLUTURIME TREGTARE TË POSAÇME NGA TIRANA NË ROMË (FCO) PËR KTHIMIN E QYTETARËVE ITALIANË NË ITALI
Që nga java e kaluar Ambasada Italiane në Tiranë ka organizuar fluturime
tregtare të posaçme për kthimin në Itali të qytetareve italianë që kanë kërkuar
këtë formë asistence pas mbylljes totale të të gjitha udhëtimeve të pasagjerëve
nga Shqipëria. Për këtë qëllim, është aktivizuar adresa mail e posaçme
[email protected]. Të mërkurë 11 mars është kryer fluturimi i parë me
kompaninë Blue Panorama që ka bërë të mundur kthimin në Itali të 133
pasagjerëve; të enjten në 12 mars një fluturim i dytë i kompanisë Albaëings me
138 qytetarë italiane. Sot në mëngjes u nis fluturimi i tretë Albaëings që
transportoi në Itali 166 persona ndër të cilët 5 qytetarë italiane të mbetur të
bllokuar në Mal të Zi, të cilët mbërritën në Shqiperi dje në darkë falë
bashkëpunimit me Ambasadën Italiane në Podgoricë.
Këto veprime janë kryer me mbështetjen e
linjave ajrore, në koordinim të plotë me institucionet dhe autoritetet
kompetente shqiptare, duke filluar nga Ministria e Infrastrukturës dhe
Energjisë, Ministria e Brendshme dhe Autoriteti Shqiptar i Aviacionit Civil.
Ambasada Italiane ka vepruar në koordinim të plotë me Njësinë e Krizave si dhe
me strukturat e tjera kompetente të Ministrisë Italiane të Punëve të Jashtme
dhe të Bashkëpunimit Ndërkombëtar, në përputhje me masat paraprake të marra nga
Ministritë kompetente italiane dhe shqiptare të shëndetësisë.
“Me kufizimin e masave të udhëtimit të pasagjereve të vendosura nga Qeveria
shqiptare, Ambasada ka konsideruar si përparësi garantimin e një mënyre për t’u
kthyer në Itali të shumë bashkatdhetarëve që kanë bërë këtë kërkesë.
Kjo nuk do të ishte e mundur pa punën e vazhdueshme të stafit të Ambasadës dhe te Sistemit Itali, mbështetjen e kompanive Blue Panorama dhe Albaëings si dhe bashkëpunimin e institucioneve kompetente shqiptare. Falënderimet e mia shkojnë për të gjithë ata, për punën e përpiktë e realizuar natën dhe ditën në kushte emergjence të plotë. Gjate ditëve në vijim, do të vazhdojmë të punojmë në këtë drejtim, në përputhje me çdo kufizim të ri qe vendoset nga një skenar vazhdimisht ne evolucion që duhet të na shohë të bashkuar, si italianë por edhe me të gjithë vendet mike si Shqiperia, për ta mposhtur këtë betejë në respekt të plotë të masave të komuniteteve tonë mjekësore edhe shkencore” – deklaroi Ambasadori italian Fabrizio Bucci.