Ambasada gjermane thotë se  “fshirja e eskortës së KFOR” nga fotografitë e sotme në Ujman “promovon narrativë të rrejshme”

Lajme

Gazeta Express

29/07/2025 19:08

Ambasada e Gjermanisë në Kosovë ka reaguar ashpër ndaj Lëvizjes Vetëvendosje pasi e politizoi prezencën humanintare të FSK-së për të gjetur trupin e një të riu që vdiq në Ujman.

Partia e Albin Kurtit e quajti këtë si “zbarkim i FSK-së në veri”.

Ambasada ka theksuar edhe raportimet se Lëvizja Vetëvendosje manipuloi fotografitë, duke larguar makineritë e KFOR’it që shoqëruan FSK-në.

Për ambasadën një manipulim i tillë është promovim i narrativës së rrejshme.

Më poshtë deklarata e plotë e ambasadës:

Ambasada Gjermane është thellësisht e shqetësuar nga përpjekjet për të politizuar vendosjen e sotme të një ekipi të specializuar të Kërkimit dhe Shpëtimit nga Forca e Sigurisë së Kosovës (FSK) në Liqenin e Gazivodës – një operacion i lehtësuar nga KFOR-i në përputhje të plotë me mandatin e tij dhe i miratuar nga Komandanti i KFOR-it vetëm për qëllime humanitare. Humbja tragjike e jetës së një të riu duhet të jetë një moment pikëllimi kolektiv, jo një rast për pikë politik.

Deklaratat e aktorëve politikë që e paraqesin këtë mision si “operacioni i parë i FSK-së në veri të Kosovës” keqinterpretojnë qëllimin dhe frymën e vendosjes. Po aq shqetësuese janë akuzat për imazhe të manipuluara – konkretisht, heqja e elementëve të dukshëm të shoqërimit të KFOR-it – për të promovuar një narrativë mashtruese. Veprime të tilla rrezikojnë të minojnë besimin e publikut dhe të shkëpusin vëmendjen nga fokusi humanitar i misionit.

Ambasada Gjermane përsërit mbështetjen e saj të plotë për KFOR-in dhe mandatin e tij, dhe shpreh mirënjohje të sinqertë për të gjithë personelin e KFOR-it dhe FSK-së të përfshirë në përpjekjet e sotme të rimëkëmbjes. Profesionalizmi dhe bashkëpunimi i tyre i shërbejnë të mirës publike dhe shërbejnë si një kujtesë për atë që mund të arrihet kur institucionet punojnë së bashku në shërbim të dinjitetit njerëzor.