Aleksandri i madh i Atleticos “shkatërron” Sociedadin dhe siguron Champions League

Futboll

Gazeta Express

10/05/2025 23:12

Alexander Sørloth shkëlqeu si asnjëherë më parë në karrierë me një poker historik në pjesën e parë, duke udhëhequr Atlético Madrid drejt një fitoreje 4-0 ndaj Real Sociedad në “Metropolitano”, në ndeshjen që vulosi zyrtarisht kualifikimin e “Los Colchoneros” në sezonin e ardhshëm të UEFA Champions League.

Hat-trick rekord në vetëm 11 minuta

Me Julián Álvarez të pezulluar, përgjegjësia në sulm i takoi Sørloth-it, i cili e nisi ndeshjen në mënyrë të çmendur:

7’ – Pas një krosimi të saktë nga Barrios, Sørloth realizon me një gjysmë volej të fuqishëm.

9’ – Me një lëvizje individuale të bukur, bën një stepover dhe e dërgon topin në cepin e portës.

11’ – Përfiton nga një gabim në mbrojtje dhe shënon për 3-0 – hat-trick më i shpejtë në historinë e La Ligës!

Poker në pjesën e parë, show total

Në minutën e 30-të, sulmuesi norvegjez kompletoi një poker fantastik, pasi kontrolloi topin nga Galán dhe gjuajti sërish me forcë – e katërta për të, e katërta për Atléticon.

Sociedad e pafuqishme, Atlético i pandalshëm

Real Sociedad u përpoq të shpëtonte fytyrën me një rast të mirë të Zubimendit para pushimit, por dërgoi topin mbi traversë.

Në pjesën e dytë, Sørloth ishte shumë pranë golit të pestë – vetëm shtylla e ndaloi. Me zëvendësimin e tij, Correa pati një tjetër rast, por rezultati mbeti i pandryshuar.

Statistika & ecuri:

Atlético Madrid shënon fitoren e 11-të radhazi ndaj Sociedad në La Liga.

Sørloth bëhet lojtari i parë që shënon 4 gola në pjesën e parë për Atléticon në një ndeshje kampionati. /GazetaExpress/