Alaba, në radar të gjigantit anglez

Gazeta Express

16/07/2020 17:40

Mbrojtësi i majtë austriak pritet të largohet nga Bayern Munichu gjatë kësaj vere dhe mund t’i bashkohet Pep Guardiolës në Manchester City

David Alaba ka përfunduar në radarin e Manchester Cityt.

Për këtë siguron mediumi britanik “Sky Sports”, përcjell “Gazeta Express”.

Mbrojtësi i majtë austriak pritet të largohet nga Bayern Munichu gjatë kësaj vere pasi nuk ka arritur marrëveshje për vazhdimin e kontratës.

Ai ka kontratë me gjigantin bavarez deri në vitin 2021, por pritet të lëvizë qysh këtë verë.

Trajneri Pep Guardiola e pëlqen futbollistin, të cilin dëshiron ta ketë në dispozicion në “Etihad Stadium”.

Gjithashtu, interesim për 28 vjeçarin kanë shfaqur edhe klubet spanjolle, Barcelona dhe Real Madrid. /Gazeta Express/