Akuzat për McGonigal, Rama: S’kam lidhje me hetimin e ish-zyrtarit të FBI

Shqiperi

Gazeta Express

25/01/2023 17:53

Kryeministri Edi Rama ka folur në një deklaratë për mediat pas mbledhjes me drejtuesit e PS në qarqe.

I pyetur në lidhje hetimet nga ish-agjntit të FBI-së, Rama u shpreh se as ai dhe as qeveria shqiptare nuk ka asnjë lidhje me çështjen e hetuar nga Departamenti i Drejtësisë në SHBA për ish-zyrtarin e FBI.

Kryeministri i cilësoi zhurmë akuzat ndaj tij, teksa theksoi se kjo çështje është hetuar nga drejtësia amerikane e cila sipas tij nëse do të kishte gjë do të kishte folur.

Më tej ai u ndal edhe te 21 janari dhe hapja e hetimeve nga Prokuroria e Posaçme.

“Besoj që njerëzit normalisht duhet të jenë mësuar se këtu opinion ndahet në një pjesë që beson medoemos atë që do të besojë dhe një pjesë që dëgjon dhe reflekton mbi faktet. Kjo është një çështje jo çështje, është e hetuar nga drejtësia amerikane, e cila nuk nxjerr vendime për vrasje pa autorë apo për vrasje nga pakujdesia kur ato bëhen nga dritaret e institucioneve shtetërore dhe nuk ia përton kujt. Në këtë rast ka zero akuzë dhe zero lidhje mes asaj që diskutohet dhe meje dhe Republikës së Shqipërisë.

Këto janë derivate të keqleximit të këtushëm, përmendja e emrit si pjesë e një takimi nuk ka asnjë lidhje me përfundimet që ka nxjerrë hetimi në SHBA. Takova një zyrtar të lartë, po, e takova, disa herë. Kjo nuk përbën asnjë arsye për të nxjerrë konkluzione të reja duke parë nga Tirana me dylbitë e politikës së çorollepsjes së njerëzve aq më pak kush jemi para një prove të re në lidhje me 21 janarin dhe kërkesën për hapjen e hetimit të SPAK. Kush e kupton e kupton, unë nuk kam pse komentoj asgjë. Unë dhe qeveria e Shqipërisë nuk ka asnjë lidhje me përfundimin e hetimit për një çështje dytësore të dalë rrugës, ndërkohë që kryesorja është krejt tjetër”, tha ai./Gazeta Express