Aktori i “Twilight” vdes në moshën 30-vjeçare - Gazeta Express

Aktori i “Twilight” vdes në moshën 30-vjeçare

Rozë

Gazeta Express

19/05/2020 9:27

Gregory Tyree Boyce, një aktor i njohur për shfaqjen e tij në “Twilight”, ka vdekur në moshën 30-vjeçare sipas Fox News. 

Zyra e ekzaminuesit mjekësor të Qarkut Clark në Las Vegas konfirmoi për Fox News të hënën se Boyce dhe Natalie Adepoju, e dashura e tij, të dy kishin ndërruar jetë më 13 maj.

Nuk u dhanë shkaqe të vdekjes, pasi të dy rastet janë ende në pritje.

Një burim i tha E! News që dyshja u gjetën nga kushëriri i Boyce në shtëpinë e tyre në Las Vegas pasi ai vuri re që ata nuk ishin larguar për në Los Angeles ashtu siç po planifikonin të bënin.

“Kushëriri i Gregut u zgjua dhe vuri re që makina e Greg ishte ende në shtëpi. Ai ishte i shqetësuar sepse Greg kishte për të qenë në Los Angeles. Kushëriri i tij shkoi ta kontrollonte dhe i gjeti”, tha burimi për E!News.

Burimi sqaroi se Boyce jetonte në Las Vegas për të ndihmuar nënën e tij dhe ‘do të udhëtonte për në LA për punë aktrimi dhe të shihte vajzën e tij’, e cila sipas burimit është 10-vjeçe.

Boyce luajti Tyler në “Twilight” të vitit 2008.