Aksioni ndërkombëtar kundër trafikimit, Kosova aktivizoi 262 policë, arrestime në qendrat e masazhit e lokalet e natës

Lajme

Gazeta Express

25/05/2023 17:19

Policia e Kosovës përmes një komunikate për media ka bërë të ditur se kanë qenë pjesë e zbatimit të një operacioni masiv të zhvilluar në 47 shtete të botës të titulluar “Operation Chain”, shkruan Express.

Në komunikatë tregohet se Policia e Kosovës nga data 8 maj deri më 14 maj 2023, ka zbatuar Planin Operativ ‘Stuhia 2023’, me shtrirje në të gjithë vendin, në bashkëpunim me inspektoret e tregut nga MINT, Administratën Tatimore dhe inspektoret e punës. Në operacion janë përfshirë 262 zyrtarë nga PK-ja dhe institucionet e lart-cekura.

Në kuadër të këtij plani operativ janë realizuar operacione në qendra tregtare, rrugë e sheshe për identifikimin e fëmijëve që janë në situatë rruge, kanë inspektuar lokalet e muzikës live, qendrat e masazhit dhe kanë shtuar kontrolle në pika kufitare.

“- Operacione në rrugë, sheshe dhe qendra tregtare për identifikimin e fëmijëve në situatë rruge; Inspektimin/kontrollimin e lokaleve ‘Muzikë Live’ Inspektimin/kontrollimin e ‘Qendrave të Masazhit’, Kontroll të shtuara në të gjitha pikë-kalimet kufitare”, thuhet në komunikatë.

Si rezultat i këtyre aksioneve policore janë identifikuar 3 viktima të trafikimit dhe 11 viktima të supozuara të trafikimit, ndërkohë që janë arrestuar 14 persona të dyshuar për veprën penale të trafikimit dhe veprave të tjera që ndërlidhen me rastetet e trafikimit me njerëz.

6 raste janë referuar në stacione policore për armëmbajtje pa leje, dëmtim të vulave zyrtare dhe hapje ilegale të lokaleve të mbyllura.

Policia ka treguar gjithashtu se ka kontrolluar edhe 55 lokale të “muzikës live” ku janë legjitimuar 377 punëtore, nga ë cilët 275 të gjinisë femërore, nga të cilat 188 shtetase të huaja.

“Nga lokalet e kontrolluara, 15 janë mbyllur nga institucioni përkatës për shkelje administrative”, njofton policia.

Gjithashtu është bërë inspektim i qendrave të masazhit ku jaën legjitimuar gjithësejt 153 punëtorë, 129 të gjinisë femërore dhe 33 shtetas të huaj.

– Inspektim i 51 ‘Qendrave të Masazhit’, në të cilat janë legjitimuar gjithsej 153 punëtore, nga të cilët

“Prej këtyre ‘Qendrave Masazhi’, 17 janë mbyllurnga institucioni përkatës për shkelje administrative”, thuhet në njoftim.

“Policia do të vazhdojë edhe në të ardhmen të jetë pjesë e bashkëpunimit dhe iniciativave/operacioneve ndërkombëtare si dhe operacioneve të organizuara në nivel vendi, pasi lufta kundër trafikimit me njerëz është sfidë ndërkombëtare e vendore e cila duhet të luftohet në bashkëpunim e koordinim ndërkombëtar e me institucione vendore e qytetarë ”, përfundon komunikata e Policisë së Kosovës/Express/