Aksioni kundër narkotikëve në Gjilan – Arrestohen tre persona, sekuestrohet edhe një armë zjarri

Lajme

Gazeta Express

23/08/2025 19:08

Policia e Kosovës, në bashkëpunim me Prokurorinë dhe Agjencinë Kosovare të Inteligjencës (AKI), është duke zhvilluar një aksion të madh antidrogë në fshatin Zhegovc të Gjilanit.

Lajmin për mediat e ka konfirmuar edhe zëdhënësi i Policisë për rajonin e Gjilanit, Fadil Hoti, i cili tha se në këtë operacion janë zbuluar disa sera të përdorura për kultivimin e lëndëve narkotike.

Sipas informacioneve të para, në vendin e ngjarjes është sekuestruar edhe një armë zjarri, dhe janë arrestuar tre persona.

Operacioni është zhvilluar në koordinim të ngushtë me AKI-në, e cila ka ndihmuar në identifikimin e lokacionit dhe të personave të dyshuar për përfshirje në këtë veprimtari kriminale.

Aksioni policor është ende në zhvillim