Aksident në hyrje të Istogut: Dy persona të lënduar, tri vetura të përfshira

Lajme

Gazeta Express

29/11/2025 23:30

Një aksident trafiku ka ndodhur mbrëmjen e sotme rreth orës 22:00 në hyrje të Istogut, ku janë përfshirë tri vetura dhe dy persona kanë përfunduar të lënduar.

Lajmin për Gazetën Express e ka konfirmuar zëdhënësi i Policisë për Rajonin e Pejës, Fadil Gashi.

“Rreth orës 22:00 ka ndodh aksidenti. Tri vetura janë përfshirë, dy persona janë lënduar”, u shpreh Gashi.

Ai tutje njoftoi se të lënduarit janë dërguar për ndihmë në spital dhe se ekipet kompetente kanë dalë në vendngjarje.